e mërkurë, 25 gusht 2010

Tema:"Mbahuni Xhematit (bashkëjetesës)"

Xhelal ef. Xhemaili
Tema: Mbahuni xhematit (bashkëjetesës)

Falënderimi i takon Krijuesit të Madhërishëm,Krijuesit të botërave,Allahut xh.sh.Salavati dhe selami qoftë mbi Pejgamberin s.a.v.s.mbi familjen e tij fisnike,mbi shokët e tij të zgjedhur si dhe mbi të gjithë ata që e ndjekën dhe do ta ndjekin rrugën e pejgamberit deri në ditën e gjykimit.Allahu xh.sh. qoftë i kënaqur me ne dhe me ata.
Vëllezër të nderuar! Allahu xh.sh. në suren El-Huxhurat ajeti 13 thotë: “O ju njerëz, vërtetë Ne ju krijuam juve prej një mashkulli dhe një femre, ju bëmë popuj e fise që të njiheni ndërmjet vete, e s’ka dyshim se te All-llahu më i ndershmi ndër ju është ai që më tepër është ruajtur (këqijat) e All-llahu është i dijshëm dhe hollësisht i njohur për çdo gjë”.(Huxhurat-13).
Vëllezër besimtarë! Ajeti që e përmendëm Allahu na tregon qartë dhe thotë se Ai na ka krijuar në fise (kabile) popuj,edhe pse ka pasur mundësi të na bënte nji popull,na ka krijuar me gjuhë dhe me ngjyra të ndryshme.
Termi-fjala Kur’anore Li-tearefu-të njiheni,na urdhëron të njihen popujt në mes njëri tjetrit.
1)Disa arab,disa turk,disa afrikan,disa shqiptar e boshnjak edhe shumë të tjerë.
Kështu në këtë drejtim kemi ajete tjera kur’anore ku Allahu xh.sh. thotë:
“Ndihmohuni mes vete me të mira dhe në të mbara,e mosni në mëkate e armiqësi.Kini dro dënimit të All-llahut,se me të vërtetë All-llahu është ndëshkues i fortë”.
Ky ajet kur’anor na urdhëron pak ma ndryshe,që ne të njihemi dhe të ndihmohemi,port ë ndihmohemi në të mira dhe në të mbara.
Të mundohemi të bëjmë mire pa marrë parasysh se kush është ai tjetri.
Për shembull,të gjithë së bashku duhet të luftojm:
1)Kundër drogës,2)Kundër alkooolit,3)Kundër shoqërrisë së keqe,4)Kundër zënkave-mospajtimeve në mes vëllaznive musliman etj.
Xhemat të nderuar! Duhet të gjithë ta dijmë se termi për bashkëjetesë për unitet ka dal nga Kur’ani a.m.ku Allahu xh.sh. thotë u krijova në fise e kabile që të njiheni në mes veti.
Në lidhje me këtë ja se cka na thotë Allahu xh.sh. në suren Hudë,ajeti 118:
“Sikur të dëshironte Zoti yt, do t’i bënte njerëzit të një feje (por nuk dëshiroi, ai e di pse). Ata vazhdimisht janë në kundërshtime (mes vete)”.(Hudë-118).


“Përveç atij që mëshiroi Zoti yt. Po për këtë edhe i krijoi ata. Fjala e Zotit tënd: “Gjithsesi do ta mbushë xhehennemin me të gjithë exhinët dhe njerëzit”, ka marrë fund (është plotësuar)”.(Hudë-119).
Ky ajet na tregon qartë se sikur të dëshironte Allahu xh.sh. do të na krijonte një popull të një feje.Por Ai Allahu e bëri këtë sepse Ai e dinte se kjo është më së miri që njerzit të jenë të gjuhëve të ndryshme të ngjyrave të ndryshme të kontinenteve të ndryshme e kështu me rradhë.
Por cka është me rëndësi na dha mundësin që të njihemi të komunikojmë njëri me tjetrin të bashkëjetojmë,të përparojmë,ti bëjmë mirë dhe të ndihmojmë njëri tjetrin.
Pejgamberi a.s. na bie shembullin dhe thotë: ”Se besimtarët janë si një trup,në dashuri,butësi dhe mëshirë.Si ti dhembë nji pjesë e trupit,atij krejt trupi i ka dhimbje temperaturë dhe pagjumësi”.
Poashtu thotë: Muhamedi a.s.:”Besimtarë i vërtet është ai nga gjuha dhe dora e të cilit janë të mbrojtur dhe të shpëtuar besimtarët tjerë.”
Pejgamberi a.s.sapo ariti në Medine pasi që u shpërngul gjënë e parë,të cilën e bëri ishte bashkimi dhe vëllazërrimi në mes muslimanëve,por edhe mos hidhërimi dhe mos prekja e të tjerëve që nuk ishin musliman.Sepse siq thotë Kur’ani a.m. “Në fe nuk ka dhunë”.
Dhe Pejgamberi a.s. u tha: “O ju njerëz jepni selam në mes vete,bashkohuni (I urdhëroi mu atëherë kur fiset Evsi dhe Hazrexhi ishin të hidhëruar),vizitoni e ndihmoni të afërmit,pajtoheni dhe bashkëjetoni.Falni namaz natën kur tjerët flejnë që të hyni në xhennet me selam dhe paqe”.
Vëllezër! Kur’ani a.m.na bie shumë shembuj të këtillë se si duhet të sillet nji musliman,se si duhet të bisedoj dhe si duhet të bashkëjetoj.
Allahu xh.sh. në suren Huxhurat ajeti 10,thotë:
“ S’ka dyshim se besimtarët janë vëllezër, pra bëni pajtim ndërmjet vëllezërve tuaj dhe keni frikë All-llahun, që të jeni të mëshiruar (nga Zoti)”.
Vëllezër besimtarë! Sipas ajetit Kur’anor të gjithë besimtarët janë vëllezër.Nuk guxojmë të bëjmë ndarje ose dikuj padrejtësi,ta ofendojmë,ta nëncmojmë ose ta shajmë,por duhet ti bashkojmë,ti afrojmë e ti pajtojmë.
Pejgamberi a.s. ka thënë: “Përcarja në mes dy vetave është halika. I thanë cka është halika,o i Dërguari i Allahut? Ai tha: “Nuk është halika ti nxirrni flokët,por halika është ta shkatërroni fenë”.
Kjo na tregon se aty ku ka përcarje nuk ka përparim.Pra nuk mund të përparojmë deri sa nuk bashkohemi.Po nëse përparojmë e pasurohemi duke qenë të hidhëruar dhe derisa ia kemi kthyer shpinën njëri-tjetrit,mund të ndodh vetëm shkatërrim e përcarje,e më në fundë të na sundojnë të tjerët.
Gjë edhe të cilën e bëjnë të tjerët me ne dhe thonë: “Përcaj e sundo”.
Vëllezër besimtarë! Kur dëgjojmë fjalën xhami,duhet ta kemi të qartë se bëhet fjalë për vendin e shenjtë i cili i mbledh i tubon dhe i afron njerëzit,me qëllim të faljes së namazit,ndëgjimit të derseve,lutjeve tjera dhe bashkëpunim të xhematit.
Pejgamberi a.s.në hadithin e tijë thotë: "Mbahuni xhema'atit,sepse ujku e ha delen e cila ndahet nga kopeja".
Me këtë hadithë pejgamberi na e bën të qartë dhe na e tërheq vërejtjen çfarë d.m.th. ruajtja e xhematit,cfar dmth.rruajtja e unitet islam.
Mirëpo për fat të keq! Në vend të bashkimit dhe tolerancës së ndërsjelltë,apo ndihmesës së ndërsjellë,xhema'atet tona nëpërgjithësi jo edhe rrallë bëhet arenë-vendë i zënkave-mosmarrveshjeve dhe konfrontimeve të ashpëra,jo unitetit dhe urrejtjes.
Vëllezër! Sikur nuk na mjafton apo edhe nuk e kemi të qartë se çfarë kemi përjetuar edhe ende po përjetojmë na nga "aleatët tanë" të cilët na mashtrojnë dhe na fusin në zënka neve ndërmjet muslimanëve e cila na kushtoi neve shumë edhe ate me mijëra njerëz të vdekur,(Si në Irak,Afganistan-Pakistan,Palestin).
Për fat të keq! Na edhe më tej me plot vetëdije zihemi dhe konfrontohemi në mes veti.
Allahu Fuqiplot duke na e dashur të mirën dhe prosperitetin tonë na urdhëron direkt0δ me ajetin 103-të sures Ali-Imran dhe thotë:
"Dhe kapuni që të gjithë ju për litarin (fenë dhe Kur'anin) e All-llahut, e mos u përçani ..." (Ali Imran, 103)
"E mos u bëni si ata që u ndanë dhe u përçanë pasi u patën zbritur argumentet.Ata do të pësojnë një dënim të madh." (Ali Imran, 105)
Myslimani duhet të jetë krenar në atë që t'i bashkojë njerëzit duke forcuar dashurinë dhe solidaritetin vëllazëror, e jo me kontributin e tij me përçarë xhema'atin dhe bashkësinë,sepse ky është kob i cili nuk arsyetohet me asgjë dhe pas këtij kobi qëndrojnë vetëm qëllimet e këqija e kurrsesi qëllimet e mira dhe të sinqerta.
Muhammedi s.a.v.s. urdhëroi që të rrënohet Xhamia e njohur Mesxhidu Dirar, sepse ishte e ngritur me qëllim të nxitjes së urrejtjes dhe jo unitetit,ndarjes dhe përçarjes së xhema'atit.
Ky është një mesazh i qartë për gjithë myslimanët deri në ditën e Gjykimit çfarë do të thotë mbjellja e jo unitetit dhe përçarjes në xhema'at dhe më gjërë.
I lutemi Allahut të madhërishëm që të na bëj prej atyre që të kontribuojmë në ngritjen,forcimin dhe ruajtjen e xhema'atit,e jo prej atyre që përcajnë,që e rrënojnë dhe bëjnë shkatërimin.
O Allah i Plotmëshirshëm,na udhëzo neve në rrugën Tënde të drejtë,forco unitetin tonë,na fal mëkatet tona dhe na fut në Xhennet me mëshirën Tënde të pa kufishme.Amin.

e diel, 8 gusht 2010

Mirë se erdhe Ramazan (Përgëzimi dhe urimi gjatë ardhjes së muajit Ramazan)

Mirë se erdhe Ramazan!

Pa dyshim se njerëzit zakonisht urojnë dhe përgëzojnë gjërat e mira që u ndodhin njerëzve ne jetë.Ato u përgëzojnë lindjen e fëmijës,hyrjen në punë,dasmat,tubimet miqësore etj., mirëpo ndoshta të paktë janë ata që ua përgëzojnë njëri tjetrit ardhjen e këtij muaji të bekuar, muajit të Ramazanit.

Nëse analizojmë gjendjen e muslimanëve të hershëm duke filluar që nga koha e Muhamedit a.s,do të vërejme se ata ua kanë përgëzuar njëri tjetrit ardhjen e këtij muaji të bekuar.Edhe na muslimanët e sodit duhet ta praktikojm këtë duke ia uruar njëri tjetrit ardhjen e muajit të bekuar.

Pra për hajr na qoftë të gjithëve ky muaj i bekuar i Ramazanit.

e hënë, 19 korrik 2010

Hutbe Xhelal ef.Xhemaili:“Veprat e mira që na shpëtojnë në ket botë dhe në botën tjetër.”

Hutbe Xhelal ef.Xhemaili:
“Veprat e mira që na shpëtojnë në ket botë dhe në botën tjetër.”
Falënderimet i takojnë Allahut xh.sh.Salatet dhe Selamet qofshin mbi të dërguarin e tij, Muhamedin (a.s.), familjen e tij të pastër dhe shokët e tij të nderuar.
Të nderuar vëllezër! Në hutben e sodit e pamë të arsyeshme dicka të flasim mbi temën: “Veprat e mira që na shpëtojnë në ket botë dhe në botën tjetër.”
Xhemat të nderuar! Jemi duke I kaluar ditët e bukura të muajit Shaban,muaj i nderuar dhe i bekuar ku duhet të kryhen shumë punë të mira dhe ky është muaj në të cilin duhet të bëjmë para pregaditje për muajin e Ramazani-sherifit.
Xhemat të nderuar! Na si pjestarë të Islamit e kemi patjetër ta ngrisim apo ta forcojmë besimin tonë duke vepruar punë të mira,në çdo vend dhe në çdo kohë.
Vëllezër besimtarë! Kjo botë e ka edhe fundin e vet, andaj askush nuk do të jetojë në të përgjithmonë. Lirisht pra mundë të themi se jemi kalimtarë rasti apo si mysafir dhe duhet të punojmë që të përgatitemi për botën e ardhshme. Një ditë do të kthehemi tek Krijuesi dhe këtë botë do ta lëshojmë njëherë e përgjithmonë,sepse askushi nuk ka mbet këtu i përjetshëm
Por,pas neve do t’i lëmë familjet tona,shokët tanë pasurinë-mallin që e kemi dashur pa masë, si dhe çdo gjë tjetër që kemi fituar gjatë qëndrimit tonë në këtë botë.Por me veti do të marrim vetëm ate që kemi punuar në këtë botë kalimtare.
Allahu xh.sh. na drejtohet neve dukë na thënë: “O populli im,kjo jetë e kësaj bote nuk është tjetër vetëm se një përjetim i përkohshëm, ndërsa bota tjetër është ajo e përhershmja!”(Kur`an, 40:39).
Vëllezër besimtarë! Pejgamberi a.s.në një hadithë thotë:
1)“Në çdo nyje të njeriut ka sadakë,2)Cdo ditë në të cilën lind dielli të pajtosh dy vetë është sadakë,3)të ndihmosh njeriun të hipë në kafshën e tij që ta bartë ose ta ngritë në të furnizimin (barrën) e tij është sadakë.4)Fjala e mirë është sadakë.5) Çdo hap që con kah namazi është sadakë.6)Të largoshë nga rruga pengesën është sadakë” (Buhariu dhe Muslimi)
Vëllezër besimtarë! Ky hadithi i pejgamberit shumë mirë na e tregon dhe na e sqaron se cka është sadaka-lëmoshë,por gjithashtu sadaka është edhe të ndihmojshë:
1)Një studentë të shkollohet 2) Sadaka është të mdihmosh vëllaun tëndë musliman pa marë parasysh në cfar pune të hajrit,3) Sadaka është të ndihmojsh edhe një jetimë apo një fukara,4) Sadaka është të ndërtojsh apo të ndihmojshë ndërtimin e një shkolle,nji ambulance,apo ndërtimin e një rruge që shërbenë për interesin e përgjithshëm shoqëror.Sepse pasurin që e kemi në ket botë një ditë do ta lëmë këtu në këtë botë dhe nuk kemi mundësi të e marrim me vete.Shkunë baballarët tanë që na e lan neve,pra edhe na do tua lëmë fëmijve tanë.
Tregohet se një prej halifet e muslimanëve u tha shokve të vet më të afërt që ai kur do të vdes tia lënë duart jashtë qefinit mbi tabutë që ta shohin njerzit se kurgja nga pasuria me vete nuk ka marë edhe pse ai ka qenë halife i pari i muslimanëve.
Vëllezër besimtarë! Thotë pejgamberi a.s.:” Njeriut kur vdes i ndërpriten të gjitha sevapet,përvec në tre raste,edhe pse ka vdek atij i arrijnë sevapet në botën tjetër:
1)Sevapet i arijn nëse ka lënë sadaka-xharrije,(ka ndrec xhami,shkollë,ambullanc,ka pru ujësjellsin,ka ndërtu ndonjë rrugë),2) Sevapet i arijn edhe nëse ka lënë libër që dot shërbehen të tjerët,dhe 3) Sevapet i arijn nëse ka lënë pas veti fëmijë të edukuar mirë në frymën Islame dhe do të lutet për prindin e vet”.
Nëse na vëllezër dëshirojmë ta fitojmë këtë botë dhe botën tjetër atëhere duhet pak ta e kontrollojmë veten tonë,ta e fusim veten tonë në binarët e islamit në binarët e së vërtetës dhe njihere e përgjithmonë të dalim nga humnera dhe të shpëtojmë nga errësira në të cilën jemi shumë shekuj e dekada me radhë.
1)A nuk është më mirë të e rregullojmë fshatin tonë dhe rrugët tona se sa të harxhojmë në gjëra të pa dobishme.Cdo gjë që e kemi ndërtu dhe e kemi rregullu na ka mbet neve,e shfrytëzojmë ne dhe në të ardhmen do tu mbese fëmijve tanë.
2)U ndërtun dy shkollat,u ndërtu ujësjellsi,u ndërtu rruga për në fushë,të cilat i shfrytëzojmë ne për të mirën tonë.Tani ndërtohet rruga për në Kamjan dhe kjo rruga që do të ndërtohet prej te qendra e deri te autobani dhe në këtë aksion duhet të intervenojmë edhe ne nga pak me të holla që të rregullohet sepse tash e kemi shansën më të madhe se kurdohere,dhe nëse tash nuk e shfrytëzojmë rastin edhe kushedi sa gjatë kjo rrugë do të mbese pa u ndërtu.
Kjo është vëllezër Sadaka-xharrije-që rrjedhë cdo here,nuk fiket-nuk shuhet,por të arijnë sevapet edhe pasi të largohesh nga kjo botë kalimtare.Duhet të japim sipas mundësis,jo ai Zengini të krahasohet me atë fukaran.Dhe ai i cili nuk ka mundësi të jep është mire që ai të mos flasë keq,por le të fole nji fjalë të mirë.
Sepse pejgamberi a.s. ka thënë: ”Edhe fjala e mirë është sadaka”
O vëllezër besimatrë! Mos mendoni se kur japim sadaka ose zekat apo ndonjë ndihëm tjetër vullnetare ,mos mendoni se do të bëhemi fukara,përkundrazi Allahu xh.sh.do të na ndihmoje dhe do të na e shtojë rrizkun në tjetër anë kah ne aspak se mendojmë.
Për ata besimtarë që japin-shpërndajnë nga pasuria e tyre në emër të Allahut.Allahu xh.sh. në suren El-Bekare ajeti 261,për ta thotë: “Shembulli i pasurisë së atyre që e japin në rrugën e Allahut është si i një kokrre që i mbinë shtatë kallinj, në secilin kalli njëqind kokrra. Allahu ia shumëfishon (shpërblimin) atij që dëshiron, Allahu është bujar i madh, i di qëllimet”.El-bekare, 261.
Pra vëllezër! Për ata besimtarë që kujdesen për vetveten për familjen poashtu kujdesen për shoqërin mjedisin dhe vendin ku jeton,shpërndan-jep ndihmon rrethin shoqërrin kuptohet me aqë mundësi sa ka,Allahu xh.sh. atij njeriu i ndihmon në cdo hap të jetës në këtë botë,por edhe në botën e Ahiretit kur do të dale të jape llogari para Allahut xh.sh.
Vëllezër! Na duhet ti kthehemi Islamit të pastërt dhe të vërtet.
1) Sepse Islami i vërtet nuk të lejon të rrejsh-mashtrojsh.
2) Islami i vërtet nuk të lejon të vjedhësh.
3) Islami i vërtet nuk të lejon të shajsh apo të ofendojsh.
4) Islami i vërtet nuk të lejon të bëjsh shpifje-iftira
5) Islami i vërtet nuk të lejon të bëjsh ngatëresa në mes vëllezërve muslimanë.etj.
Pra vëllezër! Allahu xh.sh. neve na e shpalli fenë e vërtet na dërgoi pejgamber,dhe na e gjetëm realitetin të vërtetën,e tash duhet ta mbajmë ta rrujmë ketë fe si dy sytë e ballit sepse Islami ka shumë vlerë të madhe,sepse sikur ta dinim na se sa vlerë ka islami,do të bënim cmos që mos ta e humbnim këtë fe,por për fat të keq nuk ia dijmë vlerën.
Dhe në fund do ta e përfundojmë hutben e sodit me ajetin 153 të në sures En’am ku Allahu xh.sh.na thotë neve: “Dhe kjo është rruga (feja) Ime e drejtë (që e caktova për ju), pra përmbajuni kësaj,e mos ndiqni rrugë të tjera e t’ju ndajnë nga rruga e Tij. Këto janë Porositë e Tij për ju, ashtu që të ruheni.” [En’amë, 153]
Në fundë e lusim Allahun xh.sh. me dua: “O Zoti ynë udhëzona neve për në rrugën e drejtë,dhe të kapemi për Islamin,në mënyrë që Islami të shkëlqejë në zemrat tona,të shkëlqejë në familjet tona,të shkëlqejë në mjediset tona,dhe në mbarë popullin tonë shqiptarë-muslimanë”.Amin

e hënë, 7 dhjetor 2009

Tema: "Demokracia fallco evropiane e shekullit XXI

Demokracia fallco evropiane e shekullit XXI

Hutbe: Xhelal ef. Xhemaili

Falënderimet dhe lavdërimet janë për Allahun, Zotin e të gjitha botëve. Paqja, mëshira dhe bekimet janë për Muhamedin,për familjen dhe për shokët e tij deri në Ditën e Gjykimit.
Ekzistimi i feve të ndryshme në botë është ligj i Allahut dhe këtë nuk mund ta ndryshojë askush.

Allahu xh.sh në Suren Hudë ajeti 118-119,thotë: “Sikur të dëshironte Zoti yt, do t’i bënte njrëzit të një feje (por nuk dëshiroi, Ai e di pse). Ata vazhdimisht janë në kundërshtime (mes vete).Përveç atij që mëshiroi Zoti”. (Hudë, 118-119)

Prijës të feve apo besimeve të ndryshme lejojnë që njerëzit të detyrohen bile edhe me mbytje për të pranuar fenë e tyre.Në islam nuk është kështu.

Islami i këshillon besimtarët e vet që asnjë mos e detyrojnë ta lëshojë fenë e vete e ta pranojë islamin.

“Në fe nuk ka dhunë. Është sqaruar e vërteta nga e kota”. (el-Bekare, 256)

“Sikur të kishte dashur Zoti yt, do t’i besonin çka janë në tokë që të gjithë. A ti do t’i detyrosh njerëzit të bëhen besimtarë?” (Junus, 99)

Vëllezër besimtarë! Për fat të keq jemi dëshmitarë të gjallë të kohës së sodit moderne,ku shumë shtete evropiane apo edhe ato botërore po na reklamojnë demokraci të vërtet,kurse në realitet ata po na ofrojnë një demokraci të rejshme,mashtruese dhe të coroditur.

Të gjitha këto shtete evropiane dhe botërore karshi botës po deklarojnë se të gjithë popujve që jetojnë nëpër shtetet e tyre ua kan garantuar të gjitha të drejtat e tyre fetare si:

1).Ndërtimin e objekteve fetare (ndërtimin e xhamive,minareve,mektebeve),Gjithashtu 2).Shprehjen e lirë fetare,3) Veshjen fetare,4) Ritualet fetare e kështu me radhë.

Por sikur më duket kohëve të fundit gjarpëri ka filluar ti tregoj këmbët e veta.Sepse sikur që keni ndëgjuar nëpër lajme e keni lexuar nëpër gazeta se në zemër të evropës demokratike pikërishtë në Zvicër u mbajtë nji referendum popullor kundër ndërtimit të minareve nëpër xhamia.Sipas kësaj kuptojmë se i krishteri dhe jahudija kan të drejtë ligjore të ndërtojn kisha dhe sinagoga me të gjitha simbolet e veta,kurse muslimanët jo.

Dmth.”Zvicra na thotë se simbolet tona kulturore dhe fetare janë të padëshirura për ata".

Dhe kësaj vëllezër po i thunë demokraci Evropiane.Apo.

Pejgamberi s.a.v.s. një rastë u ka thënë shokëve të vet:

"Kush dhunon-pengon të drejtat e të krishterëve dhe hebrenjve,apo i mundon me atë çka ata nuk mund të durojnë dhe rezistojnë,unë do t'i jem kundërshtarë në Ditën e Gjykimit".
Pas Muhammedit s.a.v.s. pasardhësit e tij në të njëjtën mënyrë silleshin ndaj jomuslimanëve duke u mbështetur në atë çka udhëheqësi dhe shëmbëlltyra e tyre kishte thënë dhe kishte bërë.Ata në gjithçka vazhduan ta zbatojnë atë që Muhammedi s.a.v.s. e punonte dhe silleshte me jomuslimanët.

Halifi i parë Ebu Bekri r.a. duke e përcjellur komandantin e ushtrisë Jezid ibn Ebu Sufjan, të cilit i ishte besuar ndalja e bizantinëve në Siri, e urdhëroi duke i thënë:
"Të urdhëroj t'iu përmbahesh këtyre parimeve:
1. Mos vrit gra, fëmijë dhe pleq;
2. Mos prit palma dhe drunj dhe perime;
3. Mos digj të mbjellat;
4. Mos shkatërro asgjë që është duke u rrëzuar;
5. Mos therë bagëtinë, vetëm aq sa të nevojitet për ushtrinë;
6. Mos u bën qyqar;
7. Mos e tejkalo kufirin as në luftë as në fitore;
8. Do të gjesh njerëz të cilët thonë se vullnetarisht janë mbyllur në vetmi. Mos i zemëro ata, por lëri të qetë; Spiunët dhe ndërsyesit-nxitësit në luftë nuk duhet të kursehen!"

Vëllezër besimtarë! Kjo është demokraci e vërtet,e jo kjo demokracia e këtyre evropianëve të sodit që ta japin fjalën dhe pastaj të sulmojnë pas shpine.

Këta evropian demokrat në luftën e Bosnjës (Hollandezët) u lejuan sërbëve që të therin dhe të masakrojnë mbi 10 mijë njerëz të pa fajshëm në Srebrenic.

Dhe për fat të keq sot e kësaj dite shumë njerëz nga mesi jonë e sidomos shumë të rrinjë po e japin shpirtin dhe zemrën për këtë demokraci fallce dhe të rrejshme evropiane e cila na i ka mbyllë sytë,na ka mashtruar dhe ende po na mashtron.

Vëllezër besimtarë! Katër Halifët e parë, si dhe të gjithë besimtarët e sinqertë,janë munduar që me përpikmëri të ndjekin udhëzimet e Muhammedit a.s. si dhe të kryejnë të gjitha urdhrat e tij dhe t'i kthejnë në vepra të gjitha obligimet dhe dekretet.

Gjithsesi këtë duhet edhe na si myslimanë ta aplikojmë edhe pse ata nuk sillen mirë me na,duke mos na i dhënë të drejtat që neve na takojnë.

Ushtria muslimane në kohën e Omerit r.a. hyri në Jerusalem. Patriarku krishterë Sofronijus insistoi që Halifi Omer personalisht të vijë në këtë qytet të shenjtë,dhe me këtë kishte për qëllim vetëm atij t'ia dorëzoj çelësat e kryeqytetit të tri religjioneve. Atëherë mes atyre të dyve,si përfaqësues të anëve u arrit një marrëveshje, kjo marrëveshje quhej Dokumenti i Omerit.

Teksti i dokumentit të Omerit:E kishte këtë përmbajtje:
"Me emrin e Allahut të Gjithëmëshirshmit, Mëshirëplotit!
Ky është dokument i robit të Zotit Omerit, Prijësit të besimtarëve,që u dedikohet banorëve të Jerusalemit: Të drejtat e qytetarëve të Jerusalemit:

1.U sigurohet jeta dhe pasuria e tyre;
2.U jepet siguri kishave dhe kryqeve;
3.Të ndihmohen të pafuqishmit dhe të dobëtit;
4.Askush nga besimtarët e besimeve tjera nuk do të vendoset në faltoret e tyre;
5.Askush nuk guxon t'i kufizoj dhe t'i shkatërroj,e as t'i largoj skulpturat e tyre; dhe
6.Nuk guxon askush t'i detyroj që ata ta ndërrojnë fenë e tyre."
7.Asnjë nga hebrenjtë pa dëshirën e tyre nuk do të shpërngulet nga Jerusalemi.

Vëllezër besimtarë! Këta kanë qenë halifet dhe myslimanët e drejtë të asaj kohe.

Na mesiguri nuk jemi mu bash si ata,por edhe na jemi shumë më tolerant,më human dhe më demokrat se sa këto evropianët e sodit dhe këta demokratët tanë maqedonas që i kemi këtu.

Vëllezër besimtarë! Na i respektojmë dhe i nderojmë fetë tjera poashtu i respektojmë edhe simbolet e tyre fetare,e kurse ata neve na i shëndrojnë objektet dhe institucionet fetare në muze e në disa vende si në Prilep dhe Manastir saat kullava që janë objekte të kulturës islame ata u vendojnë kryqe dhe po i djegin dhe po i shkatërrojnë xhamit tona dhe të njëjtit thiren në demokraci të rrejshme mu sikur kjo Zvicra që e ndalon ndërtimin e minareve..

Na myslimanët metëvërtet nuk mund asnjiher të e kuptojm se si mund të ndalohen simbolet dhe lirit elementare fetare të një përkatësie tjetër fetare të kenë xhamin e tyre me minare.Kjo pra nuk i takon një shteti evropian sikur që është Zvicra.

Vëllezër besimtarë! Kjo na jep të kuptojmë se na myslimanët duhet të zgjohemi nga gjumi njëherë e përgjithmonë,sepse më duket se ende po flemë në një gjumë të rëndë,e armiku po punon kundër nesh dhe po na mashtron dita ditës,dhe për fat të keq na u besojmë edhe më shumë armiqve se sa vëllezërve tanë myslimanë.

Pra në fund! Zoti na ndihmoftë dhe na dhashtë hajrin inshaallah vetëdisohemi dhe përmisohemi,sepse kështu shkojmë vetëm në humnerë-humbje.Zoti na udhëzoftë në rrugë të drejtë.Amin.



e diel, 8 nëntor 2009

Hapet godina e re e Paraleles së Shtrirë për vajza e Medresesë Isa Beu


BFI investon në arsimimin e femrës muslimaneTë shtunën më datë 31 Tetor 2009, pas një punë pesë vjeçare të Paraleles së Shtrirë të vajzave të Medresesë Isa Beu në Tetovë, u lëshua në përdorim godina e re, e cila gjeneratave të reja do tu mundëson kushte më të volitshme për ndjekjen e procesit edukativo-arsimor. Ashtu siç theksoi Kreu i Bashkësisë Fetare Islame të RM, H. Sulejman ef. Rexhepi, kjo ndërtesë në vitet në vijim do të shërbejë për arsimimin e nënave të ardhshme të Kombit.
Në praninë e mysafirëve të shumtë, si nga vendi, ashtu edhe nga jashtë dhe prezencën e shumtë të mediumeve, nxënëset e kësaj Paraleleje kishin përgatitur një program të begatë. Të pranishëm ishin përfaqësues të Kishës Ortodokse Maqedonase, përfaqësues të Mbretërisë së Arabisë Saudite, përfaqësues të përfaqësive diplomatike në vend, të Komunës së Tetovës, muftij nga gjitha muftinitë e Bashkësisë Fetare Islame, hoxhallarë, prindër, nxënës, e dashamirë të shumtë të Islamit.
Fillimisht programi u hap me leximin e asheres, e më pas profesor Bahri Aliu mbajti një fjalim mbi ecurinë e punës së Medresesë - Paraleles në Tetovë. Më pas fjalën e rastit e mori Drejtori i Medresesë Isa Beu, profesor Ibrahim Idrizi, i cili foli për sfidat e kësaj medrese dhe për planet që ka kjo medrese në të ardhmen.
Muftiu i Muftinisë së Tetovës, pasi i përshëndeti të pranishmit, u falënderua tek të gjithë që kanë dhënë kontributin për hapjen e kësaj paraleleje. Ai nga zemra falënderoi Reis ul Ulemanë H. Sulejman ef. Rexhepi për gjithë përkrahje që e ka dhënë gjatë formimit të Medresesë, si dhe investitorin z.Ozkan Goksal, i cili ekskluzivisht ka bërë të mundur që me mjete financiare të bëhet ndërtimi i godinës së re. Mufti Alifikri Esati, gjithashtu Falënderoi edhe ish-Kryetarin e Komunës së Tetovës, z. Hazbi Lika, për gjithë ndihmën që ia ka dhënë Muftinisë së Tetovës gjatë kohës kur ai ishte kryetar, si dhe Kryetarin aktual të Komunës së Tetovës, z. Sadi Bexheti, për ndihmën dhe përkrahjen e tij ndaj këtij institucioni.

Më tej fjalën e rastit e mori investitori-donatori, z. Oskan Goksal, i me emocione të mëdha shpjegoi se si lindi ideja për ta ndihmuar ndërtimin e një shkolle të tillë. Ai gjithashtu shprehu kënaqësinë që ndodhej në mesin e një ambienti, ku ishin të pranishëm përfaqësues të gjitha gjeneratave. Z. Oskan gjithashtu Falënderoi Reis ul Ulemanë dhe Muftiun e Tetovës të cilët ia mundësuan atij që të kontribuon me një vepër të tillë, për krijim dhe pasurimin e Vakëfit në Rumeli - Maqedoni.
Më pas, fjalën e rastit e mori Reis ul Ulema H. Sulejman ef. Rexhepi, i cili të pranishmëve iu drejtua në tre gjuhë, shqip, maqedonisht dhe arabisht. Ai i përshëndeti mysafirët e pranishëm, nga gjitha viset e vendit, përfaqësuesit e KOM-it, dhe përfaqësuesit e Mbretërisë së Arabisë Saudite, të cilët në këtë manifestim erdhën si mysafirë të Reis ul Ulemasë. Kreu i BFI-së foli rreth rëndësisë së arsimimit të gjeneratave të reja dhe posaçërisht rëndësisë së arsimimit të femrës myslimane në vend.
Pas përfundimit të fjalimit (i cili vijon më poshtë), të pranishmit u drejtuan kah hyrja e godinës, me ç'rast Reis ul Ulema H. Sulejman ef. Rexhepi bashkë me donatorin z. Oskan Goklsal prenë shiritin e hapjes së kësaj godine, me ç'rast e shpallën të hapur këtë objekt në të cilin do të arsimohen "Nënat e ardhshme të Kombit", ashtu siç theksoi H.Sulejmani, në fillim të fjalimit të tij.Pasi mysafirët vizituan ambientet e godinës dhe njoftuan më nga afër me kushtet e krijuara në këtë Paralele, bënë faljen e Namazit në xhaminë e Abarati Teqesë, ku edhe u shtrua një drekë për të gjithë të pranishmit.
Në vazhdim vijon fjalimi që e mbajti Reis ul Ulema H. Sulejman ef. Rexhepi para të pranishmëve.
Përshëndetje të nderuar mysafirë, të respektuar Muftij dhe punëtorë e bashkëpunëtorë të Bashkësisë Fetare Islame, Drejtor i Medresesë Isa Beu dhe profesorë e nxënës të këtij institucioni..Më lejoni që fillimisht në emrin tim personal dhe në emrin e Bashkësisë Fetare Islame të Maqedonisë tu përshëndes me përshëndetjen absolute Islame Eselamu Alejkum...Vërtetë është një kënaqësi e veçantë që sot ndodhemi në këtë objekt, të përfunduar të Medresesë - Paraleles së Shtrirë për vajza, ku në vitet në vijim do të arsimohen nënat e ardhshme të KombitPër shumë nga ju, janë të njohura sakrificat me të cilat janë përballur punëtorët e Bashkësisë Fetare Islame bashkë me besimtarët tanë nga vendi e nga jashtë, për të vendosur themelet e diturisë nën këtë nënqiell. Investimi në diturinë është edhe investim për ardhmërinë.
Ashtu siç na mëson Kur'ani i Pavdekshëm, Islami të gjithëve na fton në dituri, se vetëm të ditur mund tu bëjmë ballë sfidave të këtij shekulli.Në këtë relacion jo-rastësisht Allahu Fuqiplotë Muhamedin a.s. ia rekomandoi një dua parimore: Thuaj (o Muhamed) O zot ma shto diturinë. Dhe jorastësisht ajejtet e para Kuranore ishin:" Lexo, me emrin e Zotit tënd, i Cili krijoi, Krijoi njeriun prej një gjaku të ngjizur ! Lexo, se Zoti yt është më bujari! Ai që e mësoi (njeriun) të shkruaj me penë. Ia mësoi njeriut atë që nuk e dinte." (El- Alek: 1-5)Kërkimi i diturisë është detyrë e çdo muslimani. Prandaj falë besimit të palëkundur në Allahun Fuqiplotë dhe sakrificave e angazhimeve të brezave tanë, ne po krijojmë hapësirë dhe mundësi që kjo dituri të përçohet nga brezi në brez. Islami është feja përmes së cilës njerëzimi pranon udhëzimet përfundimtare nga Krijuesi i gjithësisë, duke e aftësuar për mëkëmbës të tij në tokë. Kur'ani i Pavdekshëm vlerëson lartë jetën njerëzore dhe insiston në civilizimin duke bërë thirrje në dituri. Jo rastësisht fjala dituri dhe të tillat që kanë të bëjnë me të, në Kur'anin e Pavdekshëm hasen mbi 780 herë. Ajetet e para me të cilat filloi shpallja e Kur'anit ishin pikërisht mbi rëndësinë e leximit, penës dhe diturisë:
Kur'ani i Pavdekshëm thotë se ata që dinë, nuk janë njëlloj me ata që nuk dinë:"...Thuaj:"A janë njëlloj ata që dinë me ata që nuk dinë...?"( Ez- Zumer:9)Në këtë drejtim kemi edhe hadithe të shumta, ndër të cilat është edhe kjo:" Kërkojeni diturinë nga djepi deri në varr."
Apo " Ngjyra e pendës së dijetarit do të peshohet me gjakun e dëshmorëve në Ditën e Ringjalljes; dhe pastaj, ngjyra e pendës së dijetarëve do të parapëlqehet më shumë se gjaku i dëshmorëve."Sipas fesë islame, respektivisht Kur'anit dhe Sunetit të Muhamedit a.s. rëndësia e shkencës dhe diturisë është e përhershme. Duhet theksuar se me gjithë rëndësinë që ka mësimi i shkencës dhe i teknologjisë, ato nuk konsiderohen të mjaftueshme në vetvete dhe muslimanët duhet, përveç se të ngrënë standardin e tyre në fushat materiale dhe shkencore, të kenë besim të fortë dhe të ndjekin parimet fetare për të përmbushur qëllimet e tyre.
Muslimanët duhet të përgatiten dhe të pajisen në çdo drejtim dhe meqë sot, shkencat eksperimentuese luajnë një rol themelor në çdo aspekt të jetës materiale, fuqizimi i kësaj përmase të politikës islame është domosdoshmëri. Prandaj Bashkësia Fetare Islame, me gjitha mundësitë e saja që i ka, po përpiqet të krijon qendra për të edukuar dhe arsimuar brezat e rinj. Për këtë u jemi mirënjohës të gjithë njerëzve dhe besimtarëve me vullnet të mirë. E sidomos për këtë objekt në të cilin po e inaugurojmë sot, i jam mirënjohës dhe falënderuar në emrin ti personal dhe në emrin e Bashkësisë Fetare Islame, bamirësit - donatorit OSKAN GOKSAL, i cili me investimin e tij ekskluziv, ka kontributin në ndërtimin e kësaj ndërtese. Sipas parimeve Islame, Ky është investimi më i çmueshëm që mund ta bëjë një njeri dhe vetëm Zoti mund ta shpërblen një vepër të tillë me shpërblimet e tij më të çmuara që i ka Madhëria e Tij... Ndërsa ne i lutemi Allahut të plotfuqishëm, ta rruan donatorin OSKAN GOKSAl, ti jep shëndet atij dhe familjes së tij dhe dhëntë Zoti që edhe në të ardhmen të jep kontribut në investime të ngjashme të cilat njëherit janë edhe më të çmueshmet. Në jetën e amshueshme Allahu e shpërbleftë me xhenet Dhe kur jemi te rëndësia e diturisë, dua të theksoj se në këtë përpjekje, edhe Medreseja Isa Beu, me hapjen e kësaj paraleleje, po vendos themelet e njohurive themelore të Islamit dhe e përgatit femrën muslimane për edukimin superior.
Më lejoni që me këtë rast tu përkujtoj një fjalë të urtë të popullit, e cila thotë: "Dora që e përkund djepin, e edukon edhe Kombin". Në këtë solemnitet nuk duhet ti harrojmë as mësimet e Muhammedit a.s. i cili ka thënë:
"Dituria është pasuria e humbur e një besimtari; prandaj, kërkojeni atë edhe po të jetë në duart e politeistëve.""Besimtari është gjithmonë në kërkim të urtësisë, kudo që ta gjejë atë, ajo është e tij, sepse ai e meriton ta ketë atë me shumë se kushdo tjetër." Më lejoni që krejt në fund ta shpalli të hapur këtë Paralele të re të Medresesë dhe në emrin e të gjithëve të pranishmëve këtu, nxënëseve që do të marrin diturinë nga këto banka, tu dëshiroj sa më tepër suksese, në mësime, në hulumtime të mirëfillta, me qëllim që të pajisen me sa më tepër dituri që në të ardhmen të bëhen shtyllë e fortë e familjeve tona. Gjithashtu i lus edhe profesoreshat e nderuara që njohuritë e tyre ti ndajnë bashkë me nxënëset dhe gjithmonë të jenë pranë tyre kur të kenë nevojë, me qëllim që ky vit shkollor të jetë sa më i suksesshëm dhe i bereqetshëm.Zoti ju shpërbleftë dhe qofshi të bekuar.

bim.org.mk
05.11.2009.islamgjakova.net

e diel, 31 maj 2009

Xhelal ef. Xhemaili hutbe:“Të mos e humbim kohën duke ndejtur nëpër rrugë”

"Të mos e humbim kohën duke ndejtur nëpër rrugë"

Hutbe: Xhelal ef. XHEMAILI

Faleminderimet dhe lavdërimet tona të sinqerta i takojnë Krijuesit të gjithësisë Allahut të Madhërishëm.Salati dhe selami,shpëtimi dhe paqa e Allahut Fuqiplot qoftë mbi pejgamberin tonë Muhammedin s.a.v.s. poashtu mbi familjen e tij të pastër dhe mbi shokët e tij të sinqertë,Allahu xh.sh. qoftë i kënaqur me ne dhe me ata.
Vëllezër besimtarë!
Shumë nga vëllezërit tanë,për fat të keq e kanë bë shprehi pjesën e madhe të kohës së tyre ta e kalojnë nëpër rrugë duke bredhur poshtë e lartë.Të gjithë e dimë se koha ka vlerë të madhe në islam edhe atë duhet shfrytëzuar deri në maksimum, për të cilën gjë do të japim llogari në ditën e gjykimit.Nëse e lyp nevoja që të dalim në rrugë atëherë gjatë kalimit nëpër rrugë duhet ti përshëndesim vëllezërit tanë muslimanë që i takojmë,dhe mos të bëhemi kryelartë,nëse këtë nuk e praktikojmë atëherë bëhemi gjynahqarë,për atë se nuk e kemi kryer një obligim fetarë të cilin e urdhëron Allahu xh.sh. dhe pejgamberi ynë Muhammedi s.a.v.s.Gjatë jetës tonë duhet të jemi njerëz të qetë,durimtarë,modest,të sjellshëm e jo të bëhemi kryelartë.Këtë më së mirir na e sqaron Kur’ani Kerijm në suren Lukman, ajeti,18-19, ku Lukmani a.s. e këshillon birin e tij: ”O djali im, fale namazin, urdhëro për punë të mira, e ndalo nga të këqijat, përballo me durim çdo gjë që të godet, vërtet, këto janë nga çështjet më të preferuara.Dhe mos shtrembëro fytyrën tënde prej njerëzve, mos ec nëpër tokë kryelartë, se Allahu nuk e do asnjë mendjemadh e që shumë lavdërohet.Të jesh i matur në ecjen tënde, ule zërin tënd, se zëri më i egër është zëri i gomarit."(Lukman,18-19)
Pa mar parasysh se ku gjendemi nuk duhet të përqendrojmë shikimin tonë te njerëzit tjerë,e posaçërisht jo te gjinia femërore.Allahu xh.sh.në suren En-Nurë në ajetet,30-31,thotë:“Thuaju besimtarëve të ndalin shikimet (prej haramit), të ruajnë pjesët e turpshme të trupit të tyre se kjo është më pastër për ta. Allahu është i njohur hollësisht për atë që bëjnë ata. Thuaju besimtareve të ndalin shikimet e tyre, të ruajnë pjesët e turpshme të trupit të tyre, të mos zbulojnë stolitë e tyre përveç atyre që janë të dukshme”. (en-Nurë, 30, 31)
Pra sipas fjalëve të Allahut xh.sh. nuk guxojmë në rrugë të shikojmë ane mban kur kalon dikush e sidomos kur kalojnë gra,sepse na urdhërohet nga ana e Allahut xh.sh.që ti ulim shikimet tona në këto raste.Gjithashtu duhet të ruhen pjesët e turpshme të trupit,mos të zbulohen,përveç atyre pjesëve që janë të dukshme dhe që lejohen.Kjo po bën vaki te shumë femra myslimane të cilat nuk i praktikojnë urdhrat e Allahut xh.sh. dhe vishen ashtu si nuk i ka hije një muslimaneje.Po vërejmë në vendet tona se shumë femra muslimane (vetëm me emër muslimane),po vishen duke e praktikuar një modë çoroditëse,por sjellja dhe edukata e tyre gjithashtu është në nivel shumë të ulët.Dhe për fat të keq këta janë fakte të pa mohueshme.
Vëllezër besimtarë!
Shtrohet pyetja ku qëndron problemi,dhe si mundë të dalim nga kjo situatë tronditese?Problemi qëndron mu te ne si prind,si më të rritur,sepse nuk angazhohemi aspak për ardhmërinë e fëmijëve tanë,dhe dalja nga kjo situatë,apo shpëtimi ynë është vetëm te përmisimi ynë kah e mira.Atëhere edhe fëmijët tanë do të marinë shembull nga ne dhe do të përmisohen. Duhet secili prind (babë e nënë) të punojë shumë me fëmijët e tyre që ti edukojnë mirë,të sillen mirë dhe të vishen mirë sipas rregullave të islamit.Këtë e kemi obligim secili prej nesh.
Vëllezër besimtarë!
Nëse ndodhemi me shokë në rrugë në mexhlise apo në lokale publike siç janë çajtoret,ëmbëltoret,kafehanet duhet të bisedojmë për tema të dobishme që kemi nevojë të gjithë na dhe të bisedohet me zë normal,e jo t’i shqetësojmë dhe ti ofendojmë tjerët duke ngritur zërin lart.
Nga Ebu Seid el-Hudrij r.a. transmetohet se Pejgamberi s.a.v.s.në një rastë ka thënë: “Ruajuni nga të ulurit nëpër rrugë!” Thanë: “O i Dërguari i All-llahut, ne nuk kemi rrugëdalje nga qëndrimi ynë në rrugë për të biseduar mes veti”. Atëherë i Dërguari i Allahut s.a.v.s tha: “Nëse nuk mund t'ia dilni pa qëndruar (ulur) në rrugë, atëherë jepjani rrugës të drejtën e saj!” Thanë: “E çfarë është e drejta e rrugës, o i Dërguari i Allahut? Tha: “1)Ulja e shikimit,2) mospengimi në të, 3) kthimi i selamit,4) të urdhëruarit për të mirë dhe ndalimi nga e keqja”.(Muttefekun alejhi) Prandaj edhe na vëllezër duhet të mundohemi që sa ma pak të rijmë nëpër rrugë,e nëse ndodhemi në rrugë atëherë duhet ti japim hakun siç thotë edhe pejgamberi s.a.v.s. në hadithin që e përmendëm.Vëllezër besimtarë! Shpifja është cilësi shumë e keqe dhe mund të shkatërrojë familjen dhe shoqërinë, prandaj kërkohet prej besimtarëve që të jenë syçelë dhe informatat që vinë nga njerëzit e prishur e shpifës duhet t’i marim me rezervë,e jo ti marrin ashtu të gatshme.Allahu xh.sh. në suren El-Huxhurat,ajeti 6, thotë:“O ju që keni besuar,nëse ndonjë i pandërgjegjshëm u sjellë ndonjë lajm,ju shqyrtonie mirë,ashtu që të mos e goditni ndonjë popull pa e ditur realitetin, e pastaj të pendoheni për atë që keni bërë”. (el-Huxhuratë, 6)
Dëmet mund të jenë edhe më të rënda kur bëhet fjalë për shpifje ndaj grave të ndershme,prandaj njerëzit e këtillë i pret një përgjegjësi e madhe para Allahut xh.sh. dhe dënim i rëndë në këtë dhe në botën tjetër. Allahu xh.sh.në suren En-Nur ajeti 23, thotë: “Vërtet, ata që akuzojnë gratë e ndershme, besimtare të pafajshme, janë të mallkuar në këtë botë dhe në botën tjetër dhe ata i pret një dënim shumë i madh”. (en-Nur, 23)
Prandaj vëllezër besimtarë! Duhet të ruhemi që mos të akuzojmë dhe mos të marrim nëpër gojë dhe mos iftirasojmë pa asnjë faj askënd e sidomos grate e ndershme sepse do të përgjigjemi në këtë dhe në botën tjetër para Gjykatësit Suprem Allahut xh.sh.
Vëllezër besimtarë!
Hutben e sotit do ta e përfundojmë me hadithin e pejgamberit s.a.v.s. ku thotë:“Kur më ngritën në Mi'raxh, kam hasur në një popull që kishin thonjtë nga bakri, me të cilët i grithnin fytyrat e tyre dhe kraharorët e tyre. Unë thashë: “Kush janë këta, o Xhibril?” Tha: “Ata janë ata që kanë ngrënë mishin e njerëzve dhe nderin e tyre e kanë dëmtuar”.(Gibet dhe Iftira). (ebu Davudi)
Vëllezër besimtarë!
Për fat të keq sot në vendet tona po bëhen shumë shpifje dhe po merren nëpër gojë familje të ndershme dhe të pa fajshme,për të cilën gjë do të jipet llogari para Allahut xh.sh. në ditën e gjykimit.Prandaj e kemi për borxh që sa ma shpejtë të largohemi nga këto cilësi të këqija dhe fatkeqe nëse dëshirojmë suksese dhe përparim në jetën tonë,si dhe shpëtim për ne në të dy botërat.E lusim Allahun xh.sh. që të na ndihmon neve muslimanëve në kryerjen e obligimeve fetare,të na largojë nga veset e këqija dhe inshaallah na udhëzon dhe na drejton në rrugë të drejtë.Amin.

e diel, 24 maj 2009

Xhelal ef. Xhemaili, Tema: "Si të largohemi nga thashethenat (nga jo të vërtetat)"

“Si të largohemi nga thashethenat (nga jo të vërtetat)”

Hutbe nga Xhelal ef.XhemailiI falemenderohemi Allahut xh.sh.Zotit të botërave.Salatet dhe selamet mbi Muhammedin s.a.v.s.mbi familjen e tij fisnike dhe mbi as-habët e tij të zgjedhur.Allahu xh.sh.qoftë i kënaqur me ne dhe me ata.
Vëllezër besimtarë! Në hytben e sodit do të flasim mbi temën:
“Si të largohemi nga thashethenat (nga jo të vërtetat)”
Kjo temë vëllezër ka nji domethënie shumë të madhe në islam,sepse kemi shumë njerëz nga mjedisi jonë ku na jetojmë dhe veprojmë,të cilët merren me muhabete të kota me thashethena të pa vërteta.Mirren me hallet dhe gajlet e të tjerëve e po e lënë anash dhe e harojnë veten e vet.
Pa marë parasyshë se cilët janë këta njerëz,ne po themi se nga ky lloj njerëzish kemi shumë nëpër trojet tona,të cilët dëm të madh po i bëjnë vetes së vet,por i bëjnë dëm edhe të tjerëve,menjifjalë dëm i bëjnë gjithë shoqërisë.
Këta njerëz shpirt dobët duhet ti lënë anash këto thashethena të pa vërteta dhe të merren me gajlet dhe me dobësit e veta,menjifjalë të bëjnë hesap-llogari veten e vet,ti shikojnë hallet e veta dhe ti numërojnë gjynahet e veta.Duke punuar në këtë mënyrë secili prej nesh do të arrijë shumë shpejtë të largohet nga gjynahet e veta të cilat po i bëjmë për cdo ditë.
Vëllezër besimatrë! Bërja e llogarisë me vetveten është e rëndësishme për mirëmbajtjen dhe ripërtëritjen e imanit, siç thotë Allahu xh.sh.në suren El-Hashër ajeti 18: "O ju që keni besuar,kini parasysh frikën ndaj Allahut dhe le të shikojë njeriu se çka ka bërë për nesër." (El-Hashër, 18)
Vëllezër! Halifja i dytë i myslimanëve,Omer ibn Hatabi, Allahu qoftë i kënaqur me të,në një rast ka thënë: "Llogariteni veten tuaj para se të llogariteni."Me të vërtetë mosllogaritja e vetvetes është shkak që njeriu të thellohet edhe më shumë në gjunahe. Edhe jobesimtarët kënaqen me jetën e kësaj bote duke mos llogaritur se një ditë do të dalin para Allahut xh.sh..
Allahu xh.sh. në suren En-Nebee,ajeti 27,thotë:“Ata ishin që nuk pritnin se do të japin llogari.”(En-Nebe 27)Prandaj muslimani patjetër duhet të gjejë kohë për t’u vetmuar me vetveten dhe të shikojë se ku gjendet dhe çka ka përgatitur për të nesërmen (Ditën e Gjykimit).
E jo sikur na sot vëllezër lije se nuk po i llogarisim punët tona,por cka është edhe më e keqja se tërë ditën po e kalojmë dhe e humbim kohën duke u marrë me hallet,noksonllëket dhe me dobësi e huaja,e nuk na mbetet aspak kohë që të merremi me problemet tona dhe me veten tonë dhe njëkohsishtë të përmisohemi.
Nga këta njerëz të këqinjë duhet të largohemi mos rijmë me ta dhe mos u bëjmë shoqëri,sepse këta janë shumë të dëmshëm dhe të rrezikshëm për shoqërinë tonë islame.
1) Këtyre lloj njerëzve kur ju thuhet ndihmoni muslimanët e varfër dhe jetimët,këta thonë le të punojnë vet ata,siç kam punu dhe kam fitu unë,çka më intereson për ata.Allahu xh.sh. nuk i ka bë krejt të njëjtë në këtë botë.
2) Këtyre kur ju thuhet ndihmoe ndërtimin e nji xhamie ose nji shkollës,ambulancës,rrugës,këta e dini çka thonë:
“Jo bre le ti ndrecin vet se mu nuk më intereson,ata vjedhin ata bëjnë kështu e ashtu”.
Ka thënë dijetari i njohur Malik ibn Dinari: “Me një njeri që ulesh dhe nuk përfiton diçka prej tij,largohu nga ai pa marrë parasysh se kush është.”
Pejgamberi sa.v.s.thotë në një hadithë të tij:”Asgjë nuk do të peshojë më rëndë dhe nuk do të jetë më me vlerë në mijzan në ditën e gjykimit se sa morali i mirë”.
Prandaj vëllezër besimatrë! Ata të cilë kanë kohë të miren me hallet dhe me noksonllëket e huaja ata edhe moralin e kanë të dobët,por cka është edhe më e keqja se nuk kanë edhe aspak fije turpi.
Sepse pejgamberi s.a.v.s.thotë:”Turpi është pjesë e imanit”
Gjithashtu pejgamberi s.a.v.s.thotë:”Nëse nuk ke turp puno cka të duash”.
Vëllezër! Pasi që turpi-mbarja na qenka pjesë e imanit,atëhere vëllezër shtrohet pyetja përse na muslimanët këtë cilësi që e pasuron besimtarin dhe e bën të devotshëm krejtësisht e kemi larguar nga ne.
Hutben e sodit do e përfundojmë me disa këshilla të pejgamberit Llokmanit a.s.drejtuar birit të vetë:
Por me rëndësi është që edhe ne të marim mësim nga këto këshilla,sepse jemi shumë larg islamit të vërtet.
I tha Llokmani a.s. birit të vet:
1) “O biri im, nuk ka asgjë më të mirë sesa gjuha dhe zemra nëse pendohen, dhe nuk ka asgjë më të keqe sesa gjuha dhe zemra nëse prishen”.
2) “O biri im,ki kujdes çfarë del nga goja jote, sepse kush hesht, shpëton, prandaj duhet të flasësh vetëm atë që të bën dobi”.
O vëllezër! Edhe na duhet të kemi kujdes se çka del nga goja jonë.Mos të flasim pa argumente pa fakte se nesër do të duhet të japim xhevap para Allahut xh.sh.në ditën e gjykimit.
Më duket se në kohën e sodit shumë zemra janë dobësuar,janë shtangur dhe janë prishur.Për arsye se këta zemra nuk e kuptojnë realitetin nuk e njohin Zotin as që e adhurojnë dhe as që e përmendin Allahun xh.sh. Vëllezër! E lusim Allahun Fuqiplotë që të na i zbus zemrat tona,të i mbush përplot me Iman dhe inshaallah na udhëzon në rrugë të drejtë.Amin.